💎 G‘oya yoshlarniki. Ammo o‘sha g‘oyani bozorga olib chiqish, tadbirkorlarning jasorati bilan birga ishlaganda kuchayadi. Bugun 21-noyabrning to‘rtinchi tadbiri sifatida Andijon Texnoparkida tadbirkorlar bilan uchrashdik. Tadbirda 50 dan ortiq faol biznes egalari yig‘ildi — har biri o‘z yo‘nalishida tajribali, lekin startap ekotizimidagi yangi imkoniyatlarga ochiq. Uchrashuv davomida Yoshlar Ventures rahbari Abdulaziz Yakubov startap va an’anaviy biznes o‘rtasidagi farqlar, angel investitsiya madaniyati, venchur moliyalashtirishning risklari va afzalliklari haqida ochiq suhbat olib bordi. Eng qiziq joyi shunda bo‘ldiki, ko‘plab tadbirkorlar o‘z biznesidagi real muammolarni startap yondashuvi orqali yechish yo‘llarini ko‘rib, aniq savollar bera boshladi. Tadbir oxirida esa: “Noldan Milliongacha” qo‘llanmasining bir qismi tadbirkorlarga taqdim etildi, va bir nechta hamkorlik takliflari muhokama qilindi — Vodiydagi startap muhitini kuchaytirish yo‘lida zarur bo‘lgan qadamlar sifatida. Bugungi kunning xulosasi aniq: Startaplar yoshlarga qanot, tajribali tadbirkorlarga yangi tezlik beradi. ⚡️ Yoshlar Ventures: Sen yarat - biz qanot beramiz.