O‘zbekiston yoshlari “Take Off 2025” startap sammitida Yoshlar ishlari agentligi direktori Alisher Sa’dullayev boshchiligidagi O‘zbekiston yoshlar delegatsiyasi hozirda Turkiyaning Istanbul shahrida o‘tkazilayotgan 8-“Take Off” xalqaro startap sammitida ishtirok etmoqda.​ Delegatsiya tarkibida Yoshlar Ventures rahbari Abdulaziz Yakubov ham ishtirok etmoqda. Tadbirda yurtimiz startaplari uchun yangi bozorlar va investorlar bilan hamkorlik imkoniyatlarini kengaytirishga alohida e’tibor qaratish ko'zda tutilgan.​ Sammit dasturida texnologiya, sun’iy intellekt, fintech, startaplar uchun investitsiya va barqaror rivojlanish yo‘nalishlarida panel muhokamalari, startaplar pichinglari, investorlar bilan uchrashuvlar va networking sessiyalari tashkil etilmoqda.​ O‘zbekiston delegatsiyasi tashrif doirasida xalqaro hamkorlar bilan yurtdagi yoshlar startaplarini qo‘llab-quvvatlash, venchur investitsiyalarni jalb qilish va inkubatsiya–akseleratsiya dasturlarini kengaytirishga qaratilgan kelishuvlarni imzolashi kutilmoqda.​ Ma’lumot uchun, Davlatimiz rahbarining tashabbusi bilan 2026-yilda ushbu nufuzli “Take Off” startap sammiti Samarqand shahrida o‘tkazilishi rejalashtirilgan bo‘lib, bu O‘zbekiston startap ekotizimini mintaqaviy markazlardan biriga aylantirish yo‘lidagi muhim qadam bo‘ladi. Yoshlar Ventures - sen yarat, biz qanot beramiz!