“Launch Lab 21” akselerator dasturi ish boshladi. Yosh startapchilar uchun yangi davr boshlandi! Bugun Yoshlar Ventures jamoasi Toshkentdagi School 21 kampusida start olgan “Launch Lab 21” akselerator dasturining ochilish marosimida ishtirok etdi. Bu dastur — yoshlar uchun haqiqiy imkoniyatlar maydoni: bozorni tahlil qilish, MVP yaratish, monetizatsiyani yo‘lga qo‘yish, huquqiy asoslarni tushunish va investorlar bilan to‘g‘ridan-to‘g‘ri ishlashni o‘rgatadi. ⚡️ Yoshlar Ventures mutaxassislari akseleratorning Elevator Pitch sessiyasida jamoalarning chiqishlarini tinglab, eng istiqbolli loyihalar bo‘yicha dastlabki tahlillarni o‘tkazdilar. Shuningdek, fond taqdimoti davomida venchur moliyalashtirish, investitsiya siyosati va startaplarni qo‘llab-quvvatlash mexanizmlari haqida batafsil so‘z yuritildi. 🤝 Tadbir yakunida Yoshlar Ventures va School 21 o‘rtasida yangi bosqichdagi investitsion hamkorlik va startaplarni qo‘llab-quvvatlash bo‘yicha kelishuvga erishildi. “Launch Lab 21” — O‘zbekiston startap ekotizimining yangi to‘lqini. Bu yerda yoshlar o‘z orzularini g‘oyaga, g‘oyalarini esa real biznesga aylantirish imkoniyatiga ega bo‘lishadi. ⚡️Yoshlar Ventures — sen yarat, biz qanot beramiz.