Bugun, 16-oktabr kuni Termiz shahrida “Yoshlar va investorlar uchrashuvi” bo‘lib o‘tdi. Tadbirda 100 dan ortiq yoshlar o‘z startap g‘oyalarini taqdim etdi. Kimdir IT yo‘nalishida, kimdir ekologiya, yana kimdir kichik, ammo yurakdan chiqqan biznes tashabbusi bilan chiqish qildi. ⚡️ “Yoshlar Ventures” direktori Abdulaziz Yakubov yoshlar bilan bevosita muloqotda bo‘lib, nafaqat maslahat, balki haqiqiy qo‘llab-quvvatlash imkoniyatlarini taklif etdi. Uchrashuv davomida 13 ta loyiha ko‘rib chiqildi, ulardan 3 tasi fond ekspertiza bosqichiga yo‘naltirildi. Shuningdek, 100 dan ortiq yoshlar venchur jamg‘arma imkoniyatlari bilan tanishdi, jamg‘arma direktori ular uchun mavjud dasturlar va qo‘llab-quvvatlash mexanizmlari haqida batafsil ma’lumot berdi. Tadbir Yoshlar ishlari agentligi Surxondaryo boshqarmasi, AloqaBank, AloqaVentures va StartupGarage hamkorligida o‘tkazildi. Bu uchrashuv nafaqat g‘oyalar taqdimoti, balki yoshlarning tashabbusi va investorlarning ishonchi to‘qnashgan maydon bo‘ldi. Sizda startup bo'lsa ariza qoldiring Yoshlar Ventures qanot beradi ⚡️Yoshlar Ventures: Sen yarat - biz qanot beramiz.