Yoshlar Ventures va Most Ventures hamkorlik memorandumi imzoladi Biz startap ekotizimini rivojlantirish hamda tadbirkorlikni qo‘llab-quvvatlash bo‘yicha hamkorlikni mustahkamlash maqsadida o‘zaro anglashuv memorandumini imzoladik. Mazkur memorandum doirasida: • startaplarni qo‘llab-quvvatlash va ularni xalqaro bozorlarga olib chiqish, • yosh tadbirkorlar uchun qo‘shma dasturlarni yo‘lga qo‘yish, • bilim va tajriba almashish, shuningdek qo‘shma loyihalarni amalga oshirishda birgalikda ishlashni rejalashtirdik. Yoshlar Ventures — O‘zbekistonda yoshlar tadbirkorligini rivojlantirishga qaratilgan venchur fond bo‘lsa, Most Ventures — mintaqaviy va xalqaro miqyosda startaplarga ko‘maklashuvchi investitsiya kompaniyasi hisoblanadi. Hamkorlik ikki tashkilotning resurs va tajribalarini birlashtirib, yangi avlod tadbirkorlari uchun keng imkoniyatlar yaratishi kutilmoqda. ⚡️Yoshlar Ventures: Sen yarat - biz qanot beramiz.