O‘zbekiston va AQSh: Youth-driven hamkorlikning yangi sahifasi Bugun Yoshlar Ventures ofisida muhim mehmonni qabul qildik. Yoshlar ishlari agentligi direktori Alisher Sa’dullayev hamda AQShning O‘zbekistondagi Favqulodda va Muxtor elchisi Jonatan Xenik bilan uchrashuv bo‘lib o‘tdi. Uchrashuv avvalida Prezidentimiz tashabbusi bilan O‘zbekiston–AQSh munosabatlari yangi bosqichga ko‘tarilgani alohida qayd etildi. Bu siyosiy kontekst — yoshlar va startaplar uchun real imkoniyatlar degani. Yoshlar Ventures rahbari uchrashuv davomida jamg’armamiz faoliyati, maqsadi va bugungacha erishilgan natijalar haqida ma’lumot berdi. Asosiy urg‘u yoshlarning tadbirkorlik salohiyatini ochish, startaplarni tizimli qo‘llab-quvvatlash va ularni global bozorga olib chiqishga qaratildi. 🇺🇸 Elchi janoblariga Yoshlar Ventures bilan bir qatorda, yoshlar siyosati doirasidagi muhim tashabbuslar: “Yoshlar tadbirkorligini rivojlantirish jamg‘armasi”, “Ibrat farzandlari”, “Mutolaa”, “Ustoz AI”, “Vikistipendiya”, “1000KITOB”, “UzChess”, “Qizlar akademiyasi” loyihalari ham tanishtirildi. Ta’kidlash joizki, AQSh vakillari yoshlar bilan ishlashda Yoshlar Ventures modeli va davlat tomonidan yaratilgan imkoniyatlarni yuqori baholadilar. Biz uchun bu uchrashuv shunchaki tashrif emas. Bu — O‘zbekiston yoshlari uchun xalqaro eshiklar ochilayotganining aniq signali. Yoshlar Ventures - sen yarat, biz qanot beramiz!